Assimil Cantonese 71-80

第七十一堂

結婚

我大仔打算出年結婚，已經開始搵定新屋喇。

唉，而家冇人想同老人家住㗎喇！

佢個未來老婆重係鬼婆添，梗係更加唔習慣啦。

咁第二時你同你老公咪可以過二人世界囉。

練習一翻譯

佢老公話，第二時同佢去日本旅行。

未來嘅事，冇人知道㗎。我都唔想諗定先。

今日天氣開始凍啲，要着件褸喇。

我阿媽住喺外國，但係好唔習慣。

你細佬打算出年去法國讀書呀？

第七十二堂

唔好發脾氣

你終於肯嚟見我啦咩？點解連我大哥嘅喜酒都唔嚟飲呀？

唔好發脾氣啦，聽我解釋先啦，好唔好？

乜嘢理由咁重要呀？我喺班親戚面前好冇面㗎嘛！

你咁唔講道理㗎！咁等你嬲完先至傾啦！

練習一翻譯

阿玉，你肯唔肯同我結婚呀？

今晚睇完戲先至食飯丫。

佢冇理由發咁耐脾氣㗎喎。

唔好搞錯解釋同翻譯喎。

我個女好中意喺啲朋友仔面前扮明星㗎。

第七十三堂

打颱風

個新颱風越嚟越接近啦喎，天氣報告話聽日會掛三號風球㗎。

今日肯定會成日落雨，重要擔遮添。

咁出門口嗰陣，記得着雨褸同帶遮呀。

最好而家就閂定窗先喇。

練習一翻譯

阿羅今日可能會遲到，阿成就肯定唔嚟喇。

呢排成日打風同落雨，唔可以去行街。

阿美唱歌越嚟越好聽喎。

我老公食咗早餐先至出門口返工。

有颱風嗰陣千祈唔好搭飛機。

第七十四堂

點樣減肥

我決定咗聽日開始減肥。

真係？咁點樣減法呀？

日日去做運動囉，又跑步，又游水。

咦，我下晝約咗人打籃球。你都一齊嚟丫。

今日呀？我未有心理準備喎。

練習一翻譯

做運動嗰陣，呼吸係好重要嘅。

我老闆決定咗喺廣州開公司。

阿仔又高又瘦，打籃球就最啱喇。

我要點樣講法，你先至肯走呀？

你家姐咁樣食法，唔肥就假喇。

第七十五堂

探人

陣間去醫院探阿愛。買乜嘢畀佢呀？

佢啱啱生咗個女，咁送一紮靚鮮花啦。

重唔少得一籃生果添。佢要照顧BB，梗係要食多啲有益嘅嘢啦。

練習一翻譯

佢哋打算唔生BB，想過二人世界喎。

打麻雀呀？梗係唔少得星仔啦。

新年嗰陣，個個都去探親戚同朋友。

啲媽媽生完細路仔會好攰同好想休息㗎。

呢啲鮮花好抵呀，買一紮送一紮喎。

第七十六堂

轉行

做咗呢份工咁耐，覺得好厭啦。

你喺中學教書，啲青少年唔錯㗎。

以前大部份都好尊重老師嘅，不過近幾年嚟好多都越嚟越唔聽話。唔激氣就假啦！

咁你真係應該搵定工轉行喇。

練習一翻譯

呢區有好多青少年問題。

而家轉行唔係咁容易㗎。

外國有啲老師教完書都唔可以出糧㗎。

我尊重你決定咗嘅嘢。

如果你聽我嘅話，就一定唔會行錯路嘅。

第七十七堂

複習對話翻譯

你明仔而家做邊行呀？

佢以前喺舖頭返工，不過好快就厭哂喇。而家就諗緊自己做老闆。

佢可以去街市度試吓賣嘢㗎？

去咗喇，賣咗三個禮拜牛仔褲，終於全部賣哂喇。

第七十八堂

技巧

廣東人話，食粥對腸胃好有益㗎。

原來煲粥都有好多技巧㗎喎。

係呀，好似浸米嘅方法，火嘅大細，同埋幾時落味去個煲度，都好講究嘅。

材料方面，有菜、有肉、有海鮮。

唔流口水就假啦。

練習一翻譯

我老婆一定用啲新鮮材料煮餸嘅。

煲定啲水先，一陣就可以飲茶喇。

啱啱到外國嗰陣，腸胃唔係好習慣。

你知唔知道人哋着技巧鞋做乜嘢運動呀？

阿媽話唔好即刻用新煲煮嘢，要浸一晚先。

第七十九堂

埋單

呢間麵店嘅嘢一啲都唔貴喎。

係呀，餐牌上面嘅價錢已經計埋加一㗎喇。

即係唔畀貼士都得啦喎。

今次唔好AA制喇，你頭先去咗撳機攞現錢㗎，就由你埋單啦。

練習一翻譯

我同我男朋友食飯同睇戲，幾時都AA制㗎。

佢哋一啲都唔明個牌上面寫咗啲咩嘢。

大部份麵店都有賣粥，又賣麵㗎。

呢啲貨嘅價錢，計埋折頭重係太貴喎。

等佢哋去埋廁所先至走啦。

第八十堂

氣功

我平時夏天喺室外做嘅運動，而家冬天唔做得喇。

咁不如跟我去學氣功啦。

係喎，喺室內咪唔怕凍囉。

練習氣功嗰陣，乜嘢都唔諗，練完重成身熱哂添。

練習一翻譯

今次由我帶路，你哋跟我一齊行啦。

喺室外做嘢嗰啲人，搵錢唔容易㗎。

如果你怕熱，就唔好着咁多衫啦。

佢因為平時食嘢唔小心，所以成日有腸胃病。

嗰排唔知幾凍，連喺室內都會冷親。