Assimil Cantonese 61-70

第六十一堂

百貨公司

有時候，喺百貨公司買嘢唔一定貴㗎。

大減價嗰陣，好多嘢重又正又抵添！

不過要記得帶夠現錢喎。

係呀，我上次買咗五百蚊嘢，但係都唔可以簽咭㗎。

所以最好等出糧先喇！

練習一翻譯

如果你簽咭，減價貨重可以有折頭添！

嗰個外國人唔明廣東話，所以我同佢翻譯。

有時候連醫生都會病㗎。

我細妹唔係幾中意喺百貨公司買衫。

你可以喺度玩，不過出去就唔得喇。

第六十二堂

攞錢

你知唔知道銀行幾點鐘開門呀？

八點半就開㗎喇。你冇哂錢嗱？

冇哂喇。因為我重未買夠手信丫嘛。所以要再去銀行攞錢喇。

而家唔係好夜啫，有啲找換店重未閂門㗎。

係咩？咁不如你去換錢丫。

練習一翻譯

啲銀行閂哂門，因為係中午丫嘛。

快啲搵間找換店換錢先啦。

你去法國嗰陣，記得買啲手信呀。

呢隻雞又肥又大，食一半就夠喇。

我重未借過書，駛唔駛畀錢㗎？

第六十三堂

複習對話翻譯

你加咗人工，咪可以買屋囉。

但係而家樓價咁高，如果唔夠錢畀銀行，就唔掂啦。

唉！住喺我隔離個阿強，因為一定要買屋，連佢阿爸啲錢都攞哂呀。

咁佢就唔啱喇。

第六十四堂

旅行

你執咁耐嘢，飛機唔等你啦！

去旅行，梗係要帶啲日用品㗎啦。

咁你帶咗機票未呀？護照呢？

唔駛擔心，全部帶哂喇！

飛機就嚟起飛喇！

咁快啲去機場啦！

練習一翻譯

我細佬擔心佢考試考得唔好。

你個仔今次放假，唔想去外國旅行喇。

阿仔就嚟放學，咁我唔同你傾喇。

而家咁夜，全部舖頭都閂哂門啦。

等多兩個月啦，遲啲機票會減價㗎喇。

第六十五堂

機場

搭飛機最緊要係安全。

係呀，以前機場喺市中心嚟㗎。附近啲居民唔知幾驚。

唔驚就假啦，幾時都會有意外㗎嘛。

而家新機場就唔同喇，全世界都話佢一流。

咁樣大家都放心啲喇。

練習一翻譯

機場幾遠㗎，所以要早啲出去搭車。

強仔喺公園玩得唔知幾開心。

阿玉幾時都想同佢男朋友一齊。

佢先生有意外，唔擔心就假喇。

你知唔知道喺呢個世界上面有幾多人冇飯食呀？

第六十六堂

晏晝飯

一齊去食晏晝飯丫！

下晝要開會，我重有嘢做呀。

咁我哋食完飯嗰陣，去快餐店幫你買飯盒丫，好唔好？

好丫，咁我要一盒叉燒飯，最好塊叉燒要半肥瘦㗎喎。

練習一翻譯

廣東人話靚叉燒一定係半肥瘦嘅。

華仔今日上晝返學，下晝就去學功夫。

呢個會已經開咗三次，但係重未開完。

呢排阿媽幫我買餸同煮飯，我就得閒啲喇。

等佢讀完書，就可以幫你做生意喇。

第六十七堂

電話唔通

今日老闆請飲下午茶，邊個打電話叫外賣呀？

阿羅求先打咗兩個字，一直都唔通喎。

咁奇怪嘅？佢有冇打錯號碼㗎？

黃記嘅冧把點會搞錯呀？

不如一陣間再試吓啦！

練習一翻譯

佢今朝個樣好奇怪，你估吓咩嘢事丫？

佢遲到咗三個字，唔可以上火車喇。

我老闆話公司呢排生意唔係幾掂。

我太太一直都想去廣州慶祝新年㗎。

阿南連自己嘅手機冧把都唔記得。

第六十八堂

茶餐廳

你想飲地道嘅奶茶同咖啡，就一定要去茶餐廳喇。

重有三文治、菠蘿包，或者蛋撻添。

廣東人中意喺度學吓外國人，用刀叉食西餐。

不過如果你想食中餐，人哋都有筷子嘅。

練習一翻譯

我禮拜六或者禮拜日陪你去晨運丫。

你識唔識得用茶葉煮雞蛋先？

有客人嚟喎，加多幾對筷子丫。

聽講啲法國人好中意坐喺出面飲咖啡㗎。

呢啲一定唔係本地菠蘿嚟㗎，係入口嘅。

第六十九堂

文化

你睇吓，連鬼佬都識揸筷子食飯喎！

有啲西人可能叻過你㗎。

唔係掛？佢哋咁了解我哋嘅文化嘅咩？

你唔信呀？人哋最唔中意畀你叫做鬼佬，重會話你冇禮貌添。

咁我係應該斯文啲嘅。

練習一翻譯

你問路嗰陣，記得有禮貌啲呀。

我哋去文化中心隔離嗰個公園度。

啲後生仔諗啲大人一定唔了解佢哋。

喺呢個世界上面唔係好多人信鬼啫！

佢好驚啲西人，因為佢嘅英文好水皮呀嘛。

第七十堂

複習對話翻譯

今日禮拜日，你估吓星記開唔開門丫？

個老闆咁中意錢，所以我話佢幾時都做生意嘅。

我唔係幾信你喎。應該打個電話問吓先。有時人哋都想放假㗎嘛。